Будь медиаграмотным!

RU KG KZ TJ UZ

Ош шаары. II МОДУЛЬ. GALS жана дизайн ой жүгүртүү аркылуу гендердик өзүн-өзү баалоону окутуу

29-10-2022  -  30-10-2022

"ММК колдоо борбору" Фонду БУУ-Аялдар менен биргеликте "Жарык нуру" демилгесинин алкагында атайын медиа уюмдардын өкүлдөрү, блогерлер, журналистика факультеттеринин мугалимдери үчүн гендердик өзүн-өзү баалоону GALS жана дизайн ой жүгүртүү ыкмалары аркылуу окутуу боюнча семинар-тренинг өткөрөт.

Кыргыз Республикасынын Өкмөтү (КРӨ), Европа Бирлиги (ЕБ) жана Бириккен Улуттар Уюму аялдарга жана кыздарга карата зомбулуктун (АККЗ) бардык түрлөрүнө жана зыяндуу тажрыйбаларга каршы күрөшүүгө багытталган "Жарык нуру" аттуу демилгеси көп жылдык программасын ишке ашырууда. Демилге дүйнөдөгү көптөгөн өлкөлөрдө, анын ичинде Кыргыз Республикасында АККЗны токтотуу үчүн жер бетиндеги трансформациялык өзгөрүүлөрдү колдоого багытталган. Демилге дүйнө жүзү боюнча эң жогорку деңгээлдеги милдеттенмеге ээ жана аны БУУнун Башкы катчысынын орун басары жана Европа комиссиясынын вице-президенти тарабынан каралат

Кыргыз Республикасында «Жарык нуру» демилгесинин максаты - бардык аялдар менен кыздардын, айрыкча аялуу катмардын зордук-зомбулуктан жана зыяндуу адаттардан, анын ичинде өспүрүмдөр арасындагы нике жана ала качуудан алыс болушун камсыз кылуу. Мында адамдарга билдирүүлөрдү таркаткан массалык маалымат каражаттары чоң ролду ойнойт. Коомдук пикир ММК сунуш кылган, жарыялаган жана чыгарган маалыматтардын негизинде курулат. Темаларды туура чагылдыруу, образдын курулушу жана өзүнө өзү гендердик баа берүү зыяндуу тажрыйбалар, стереотиптер жана зомбулук менен күрөшүүгө жардам берет.

Жалпыга маалымдоо каражаттарынын гендердик өзүн-өзү баалоо долбоорунун I ФАЗАНЫН  жыйынтыгында 40тан ашык катышуучу 5 модулдук тренингден өтүп, алардын ар бири гендердик теңчиликти жайылтуу боюнча материалдарды түзүү процессине тартылган. 15тен ашык медиа уюмдардын өкүлдөрү өз салымдарын кошуп, институттун ичиндеги терең өзгөрүүлөргө багытталган гендердик-этикалык кодексти кабыл алуу менен институтташтырууга жол ачышты.

Долбоордун II ФАЗАсынын негизги тарабын медиа чөйрөдөгү өкүлдөрүнө 3 модулдан турган ар бири 2 күндүк тренингди камтыйт. Окутуулар Нарын, Чуй жана Ош облустарында уюштурулат.

"GALS жана дизайн ой жүгүртүү аркылуу гендердик өзүн-өзү баалоону окутуу” деп аталган семинар-тренингдин II  МОДУЛУ 2022-жылдын 21-22 октябрь Бишкек шаарында, 26-27 октябрь Нарын шаарында жана 29-30 октябрь Ош шаарында  уюштурулмакчы. 

Эске сала кетсек, катышуучуларды аныктоону «ММК колдоо борбору» Фонду БУУ-Аялдар менен биргеликте конкурстук негизде жүргүзүп, Нарын, Чүй жана Ош облустары боюнча медиа-уюмдар, блогерлер, журналистика факультеттеринин мугалимдери катышуучу катары тандалып алынган. Тандалган медиа уюмдар 4 ай бою окутуудан өтөт.

Адрес мероприятия:

г. Ош, ЭкоДом

Программа события

Адрес:

г. Ош, ЭкоДом

9:00 - 9:30

Ош

Каттоо. Таңкы чай/кофе

Каттоо. Таңкы чай/кофе

9:30 - 10:00

Ош

Алибек Ажибеков

Саламдашуу, үй тапшырманы талкуулоо, рефлексия. Катышуучулардын күтүүлөрү

10:00 - 11:30

Ош

Мырзаш Шабданбекова

«Бактылуу үй-бүлѳ дарагы» (1-2 -кадамдар)

11:30 - 13:00

Ош

Мырзаш Шабданбекова

«Бактылуу үй-бүлѳ дарагы» (3-4 -кадамдар)

13:00 - 14:00

Ош

Түшкү тамактануу

Түшкү тамактануу

14:00 - 15:00

Ош

Мырзаш Шабданбекова

«Бактылуу үй-бүлѳ дарагы» (3-6 кадамдар). Уландысы

15:00 - 16:30

Ош

Алибек Ажибеков

“Медиа уюмдун ичиндеги бактылуу жамаат дарагын” тартуу

16:30 - 17:00

Ош

Кофе-брейк. Тренингди жыйынтыктоо

Кофе-брейк. Тренингди жыйынтыктоо